സുഫ് യാൻ ഇബ്ന് ഉയൈന (റ):എഴുപത് തവണ ഹജജ് ചെയ്യാൻ ഭാഗ്യം ലഭിച്ച മഹാൻ!

എഴുപത് തവണ ഹജജ് ചെയ്തവരായിരുന്നു ഇമാം ഇബ്ന് ഉയൈന (റ).ഓരോ ഹജ്ജ് വേളയിലും പവിത്രമാക്കപ്പെട്ട അറഫ ദിനത്തിൽ മഹാനവറുകൾ അല്ലാഹുവിനോട് പ്രാർത്ഥിക്കുമായിരുന്നു; 

"ഈ വർഷം എൻ്റെ അവസാന കൊല്ലമാക്കരുതെന്ന്".

എഴുപതാമത്തെ ഹജജ് വേളയിൽ മഹാനവറുകൾ പറയുകയുണ്ടായി;

"ഇനിയും അല്ലാഹുവിനോട് ആവശ്യപ്പെടാൻ എനിക്ക് ലജ്ജ തോന്നുന്നു".

ആ വർഷത്തിൽ തന്നെ മഹാനവറുകൾ അല്ലാഹുവിൻ്റെ തിരുസന്നിധിയിലേക്ക് യാത്രപോയി!

ഇബ്ന് ഉയൈന (റ) തൊണ്ണൂറ് വർഷം ജീവിച്ചു.കൂഫയിൽ ജനിച്ച വളർന്ന മഹാനവറുകൾ തൻ്റെ ഇരുപതാം വയസ്സിൽ മക്കയിൽ വന്നു.ജീവിതത്തിൻ്റെ സിംഹ ഭാഗവും അവിടെയാണ് ചെലവഴിച്ചത്.