ഈ വർഷത്തെ ലോകത്തിലെ ഏറ്റവും സ്വാധീനമുള്ള 500 മുസ്ലീങ്ങൾ ആരൊക്കെയാണ് ?

 

ഈ വർഷത്തെ ലോകത്തിലെ ഏറ്റവും സ്വാധീനമുള്ള 500 മുസ്ലീങ്ങൾ ആരൊക്കെയാണ് ?

ജോർദാൻ ആസ്ഥാനമായുള്ള റോയൽ ഇസ്ലാമിക് സ്ട്രാറ്റജിക് സ്റ്റഡീസ് സെന്റർ, ലോകത്തെ ഏറ്റവും സ്വാധീനമുള്ള മുസ്ലീങ്ങളുടെ  റാങ്ക് ചെയ്യുന്ന 'ദി മുസ്ലീം 500' ന്റെ 2023 പതിപ്പ് പുറത്തിറക്കുകയുണ്ടായി.

പ്രശസ്ത അറബി-ഇംഗ്ലീഷ് വിവർത്തകയായ ഐഷ ബെവ്‌ലിയെയും ജംഇയ്യത്തുൽ ഉലമാ-ഇ-ഹിന്ദ് പ്രസിഡന്റ് മൗലാന മഹമൂദ് മദനിയെയും ഈ വർഷത്തെ വനിതയായും  പുരുഷനായും ഇവർ തെരഞ്ഞെടുത്തു.

സൗദിയിലെ സൽമാൻ രാജാവ്,ഇറാന്റെ ആയത്തുള്ള അലി ഖാംനഈ,ഖത്തർ അമീർ ഷെയ്ഖ് തമീം ബിൻ ഹമദ് അൽതാനി,തുർക്കി പ്രസിഡന്റ് റജബ് ത്വയ്യിബ് ഉർദുഗാൻ, ജോർദാനിലെ അബ്ദുല്ല രാജാവ് തുടങ്ങിയവരാണ് ആദ്യ അഞ്ച് സ്ഥാനങ്ങളിൽ.

മുസ്‌ലിം ലോകത്തെയും മുസ്‌ലിംകളെയും സാരമായി ബാധിക്കുന്ന വല്ല മാറ്റവും കൊണ്ടുവന്നവരാണ് ഈ ലിസ്റ്റിൽ ഉൾപ്പെടുക. ഈ മാറ്റത്തിൻ്റെ റിസൽറ്റ് പോസറ്റീവാകട്ടെ,നെഗറ്റീവാകട്ടെ സാംസ്‌കാരികമായ,പ്രത്യയശാസ്ത്രപരമായ, സാമ്പത്തികമായ, രാഷ്ട്രീയമായ അല്ലെങ്കിൽ മറ്റെന്തെങ്കിലും കൊണ്ടുവന്നവരാകും ഇവർ.

ഈ വർഷത്തെ വനിതയും പുരുഷനും

അറബിയിൽ നിന്ന് ഇംഗ്ലീഷിലേക്കുള്ള ക്ലാസിക്കൽ ഇസ്ലാമിക കൃതികളുടെ ലോകത്തിലെ ഏറ്റവും സമൃദ്ധവും പ്രഗത്ഭനുമായ വിവർത്തകരിൽ ഒരാളാണ് ബ്യൂലി.

1968-ൽ ഇസ്‌ലാം മതം സ്വീകരിച്ചതുമുതൽ, കഴിഞ്ഞ അഞ്ച് പതിറ്റാണ്ടുകളായി ബ്യൂലി ഇസ്‌ലാമിക പാരമ്പര്യം വിശ്വസ്തതയോടെ പഠിക്കുകയും അതിന്റെ പ്രധാന ഗ്രന്ഥങ്ങൾ ഇംഗ്ലീഷ് സംസാരിക്കുന്ന മുസ്ലീം സമൂഹത്തിന് ലഭ്യമാക്കുകയും ചെയ്തു. ഭർത്താവ് അബ്ദൽഹഖ് ബ്യൂലിയുമായി സഹകരിച്ച് അവൾ ശ്രേഷ്ഠമായ ഖുർആൻ പരിഭാഷപ്പെടുത്തുകയുണ്ടായി.

ബ്യൂലിയുടെ പല കൃതികളും അവളുടെ വെബ്‌സൈറ്റിൽ സൗജന്യമായി ലഭ്യമാണ്, അല്ലെങ്കിൽ അറിയപ്പെടുന്ന മുസ്ലീം പ്രസാധകർ പ്രസിദ്ധീകരിച്ചവയാണ്.

മൗലാന മഹമൂദ് മദനി ഭീകരതയെ നേരിട്ട് അപലപിച്ചുവെന്ന് റിപ്പോർട്ട് പറയുന്നു.

ഇന്ത്യയിലെ ഭരണകക്ഷിയായ ബി.ജെ.പി  ഹിന്ദു ദേശീയത പ്രോത്സാഹിപ്പിക്കുമ്പോൾ, മൗലാന മഹമൂദ് മദനി ഇസ്‌ലാമോഫോബിയയുടെ കേസുകൾ രേഖപ്പെടുത്തി ഇരകൾക്ക് നിയമ സഹായം നൽകുകയും മറ്റ് സഹായങ്ങൾ നൽകുന്ന ഒരു സംരംഭം സ്ഥാപിച്ചുവെന്നും റിപ്പോർട്ടിൽ പറയുന്നു.

മറ്റു പേരുകൾ

ആദ്യ 50-ൽ  മതം മാറിയ പണ്ഡിതരായ ഷെയ്ഖ് ഹംസ യൂസഫ് ഹാൻസൺ (23), ഡോ തിമോത്തി വിന്റർ (44) എന്നിവരും ഉൾപ്പെടുന്നു.

സിംഗപ്പൂർ പ്രസിഡന്റ് ഹലീമ യാക്കോബ് (33), ടാൻസാനിയ പ്രസിഡന്റ് സാമിയ സുലുഹു ഹസ്സൻ (38) എന്നിവർ മാത്രമാണ് ആദ്യ 50 ൽ ഇടംപിടിച്ച വനിതകൾ.

ഫുട്ബോൾ താരം മുഹമ്മദ് സലായും (39) ആദ്യ 50 പട്ടികയിൽ ഇടം നേടി.സാദിയോ മാനെ, ഖബീബ് നർമഗോമെഡോവ് എന്നിവർക്ക് മാന്യമായ പരാമർശങ്ങൾ ലഭിച്ചു.

ബാലൺ ഡി ഓർ ജേതാവ് കരിം ബെൻസെമ, ഫുട്ബോൾ താരം പോൾ പോഗ്ബ, ദീർഘദൂര ഓട്ടക്കാരൻ മോ ഫറ, റഗ്ബി താരം സോണി വില്യംസ്, ബോക്സിംഗ് ഇതിഹാസം മൈക്ക് ടൈസൺ (മാലിക് അബ്ദുൾ അസീസ്) എന്നിവരും  പട്ടികയിൽ ഇടംപിടിച്ചു.

ലേബർ പാർട്ടി എംപി നാസ് ഷാ, ലണ്ടൻ മേയർ സാദിഖ് ഖാൻ എന്നിവരും പട്ടികയിൽ ഉൾപ്പെട്ടിട്ടുണ്ട്.

കലാ-മാധ്യമ ലോകത്ത്, ആഗോളതലത്തിൽ ഏറ്റവുമധികം ആളുകൾ പിന്തുടരുന്ന ടിക്‌ടോക്കറായ ലേം ഖാബിയും “Smile2Jannah” യൂട്യൂബ് ചാനൽ നടത്തുന്ന സീഷാൻ അലിയും പ്രത്യേകം പരാമർഷിക്കപ്പെട്ടവരാണ്.

ഗായകൻ സാമി യൂസഫ്, ഗ്രേറ്റ് ബ്രിട്ടീഷ് ബേക്ക് ഓഫ് ജേതാവ് നദിയ ഹുസൈൻ എന്നിവരും 500-ൽ ഇടം നേടി.

ആദ്യ പത്ത്

1. സൗദി അറേബ്യ രാജാവ് സൽമാൻ ബിൻ അബ്ദുൽ അസീസ് (2)

2. ഇറാൻ ഇസ്ലാമിക് റിപ്പബ്ലിക്കിന്റെ പരമോന്നത നേതാവ് ഗ്രാൻഡ് ആയത്തുള്ള സയ്യിദ് അലി ഖാംനഈ (3)

3. ഖത്തർ അമീർ ഷെയ്ഖ് തമീം ബിൻ ഹമദ് അൽതാനി അമീർ (1)

4. തുർക്കി പ്രസിഡന്റ് റജബ് ത്വയ്യിബ് ഉർദുഗാൻ (4)

5. ജോർദാൻ രാജാവ് അബ്ദുല്ല II ഇബ്ൻ അൽ ഹുസൈൻ (5)

6. ജസ്റ്റിസ് ഷെയ്ഖ് മുഹമ്മദ് തഖി ഉസ്മാനി (6)

7. മൊറോക്കോയിലെ രാജാവ് മുഹമ്മദ് ആറാമൻ (7)

8. യു.എ.ഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ-നഹ്യാൻ (8)

9. ഗ്രാൻഡ് ആയത്തുള്ള സയ്യിദ് അലി ഹുസൈൻ അൽ-സിസ്താനി, നജഫ്, ഇറാഖ് (9)

10. സഊദി കിരീടാവകാശി മുഹമ്മദ് ബിൻ സൽമാൻ ബിൻ അബ്ദുൽ അസീസ് (15)

(ബ്രാക്കറ്റിൽ കഴിഞ്ഞ വർഷത്തെ റാങ്കിംഗ്)