ഒരു നിസ്ക്കാരം നഷ്ടപ്പെട്ടതിൻ്റെ പേരിൽ കരഞ്ഞിരുന്ന അനസ് ബിൻ മാലിക് (റ)

മുസ്ലിംകൾ ഐതിഹാസിക വിജയം നേടിയ തുസ്തർ യുദ്ധത്തെക്കുറിച്ച് കേൾക്കുമ്പോൾ അനസ് ബിൻ മാലിക് (റ) എന്തിന് കരയുന്നു? തുസ്തർ യുദ്ധം ഓർക്കുമ്പോഴെല്ലാം അനസ് ബിൻ മാലിക് (റ) കണ്ണീരൊഴുക്കിയിരുന്നു. എന്തായിരുന്നു കാരണം? തുസ്തർ ശക്തമായ പേർഷ്യൻ കോട്ടനഗരമായിരുന്നു. ഒന്നര വർഷത്തെ ഉപരോധത്തിനു ശേഷം മുസ്ലിംകൾ ഈ നഗരം കീഴടക്കി. ഇസ്ലാമിക ചരിത്രത്തിലെ ഏറ്റവും കഠിനമായ യുദ്ധങ്ങളിലൊന്നായിരുന്നു ഇത്. പ്രഭാതത്തിന് മുമ്പ് കോട്ടയുടെ കവാടം തുറന്നപ്പോൾ, 30,000 മുസ്ലിം സൈനികരും 1,50,000 പേർഷ്യൻ സൈനികരും തമ്മിൽ ഘോരമായ യുദ്ധം നടന്നു. ഓരോ നിമിഷവും മരണഭീതിയും അപകടസാധ്യതയും നിറഞ്ഞതായിരുന്നു. അല്ലാഹുവിന്റെ അനുഗ്രഹത്താൽ മുസ്ലിംകൾ വിജയം നേടി. പക്ഷേ സൂര്യോദയത്തിനു ശേഷമാണ് യുദ്ധം അവസാനിച്ചത്. അപ്പോഴാണ് അവർക്ക് മനസ്സിലായത് - ആ ദിവസത്തെ ഫജ്ർ നിസ്കാരം നഷ്ടമായിപ്പോയെന്ന്! ശക്തമായ യുദ്ധത്തിനിടയിൽ സമയത്ത് നിസ്സ്കരിക്കാൻ കഴിയാതിരുന്നതിൽ അനസ് (റ) കരഞ്ഞു. യുദ്ധത്തിലായിരുന്നതിനാൽ അവർക്ക് കാരണമുണ്ടെങ്കിലും, ഒരു നേരത്തെ ഫജ്ർ നഷ്ടമായത് അദ്ദേഹത്തെ വേദനിപ്പിച്ചു. അദ്ദേഹം പറഞ്ഞു: "തുസ്തർ വിജയമെന്ത്! ഒരു നിസ്കാരത്തിന് പകരമായി ലോകം മുഴുവൻ എനിക്ക് ലഭിച്ചാലും ഞാൻ സന്തോഷിക്കില്ല!" നമ്മുടെ ജീവിതത്തിൽ ഫജ്ർ നിസ്കാരത്തിന്റെ പ്രാധാന്യം എത്രയാണ്? അവർ അല്ലാഹുവിന്റെ മാർഗത്തിൽ ജീവൻ സമർപ്പിച്ചു. നമുക്ക് അല്ലാഹുവിനായി ഒരു ഉറക്കം ത്യജിക്കാൻ കഴിയുന്നില്ലെങ്കിൽ, എങ്ങനെ നാം വിജയം പ്രതീക്ഷിക്കും? "യാ അല്ലാഹ്, നിനക്ക് ഇഷ്ടപ്പെട്ടതിലേക്ക് ഞങ്ങളെ നയിക്കേണമേ. നിസ്കാരം നമ്മുടെ ഹൃദയത്തിൽ നിന്ന് നഷ്ടപ്പെട്ടപ്പോൾ, നമ്മുടെ അന്തസ്സും ആത്മാഭിമാനവും നഷ്ടപ്പെട്ടു. ഞങ്ങളെ നിന്റെ മതത്തിലേക്ക് മടക്കി കൊണ്ടുവരേണമേ. മുസ്ലിംകൾക്ക് അവരുടെ മഹത്വവും അന്തസ്സും തിരികെ നൽകേണമേ. മുസ്ലിം രാജ്യങ്ങളെ എല്ലാ തിന്മകളിൽ നിന്നും സംരക്ഷിക്കേണമേ."