മുഹമ്മദ് ബിൻ ഖാസിം: പതിനേഴാം വയസ്സിൽ സിന്ധ് കീഴടിക്കിയ വീര സൈനാധിപൻ!

715 ജൂലൈ 18 നാണ് മുഹമ്മദ് ബിൻ ഖാസിം ഈ ലോകത്തോട് വിടപറഞ്ഞത്.

മുഹമ്മദ് ബിൻ കാസിം ജനിച്ചത് ഏകദേശം 695 AC ലാണ്. അദ്ദേഹം സഖഫി ഗോത്രത്തിൽപെട്ടവരായിരുന്നു. സഖഫി ഗോത്രത്തിൻ്റെ ഉത്ഭവം അറേബ്യയിലെ ത്വാഇഫിലാണ്.അമ്മയുടെ സംരക്ഷണത്തിലാണ് ഇബ്നു ഖാസിം വളർന്നത്. 

യെമൻ ഗവർണറായിരുന്ന തന്റെ അമ്മാവൻ മുഹമ്മദ് ഇബ്‌നു യൂസഫിന് ഇബ്നു ഖാസിം വളരെ പെട്ടെന്നുതന്നെ വലിയ സഹായിയായി. അദ്ദേഹത്തിന്റെ ന്യായവിധിയും കഴിവുകളും നൈപുണ്യവും കാരണം മറ്റ് നിരവധി ഉദ്യോഗസ്ഥരെ മറികടന്ന് ഇബ്നു ഖാസിമിനെ സംസ്ഥാന വകുപ്പിൽ നിയമിക്കാൻ മുഹമ്മദ് ബിൻ യൂസുഫ് നിർബന്ധിതനായി.

ഹജ്ജാജ് ബിൻ യൂസഫിന്റെ അടുത്ത ബന്ധു കൂടിയായിരുന്നു അദ്ദേഹം.ഹജ്ജാജിന്റെ സ്വാധീനം നിമിത്തം യുവാവായ മുഹമ്മദ് ബിൻ ഖാസിമിനെ കൗമാരപ്രായത്തിൽ തന്നെ പേർഷ്യയുടെ ഗവർണറായി നിയമിക്കുകയും ആ പ്രദേശത്തെ കലാപത്തെ ഇബ്നു ഖാസിം ഇല്ലാതാക്കുകയും ചെയ്തു.

ഹജ്ജാജ് ബിൻ യൂസുഫിന്റെ മരുമകനായി അദ്ദേഹത്തെ അവതരിപ്പിക്കുന്ന ഒരു രംഗമുണ്ട് ചരിത്രത്തിൽ. ഉമയ്യത്ത് ഖിലാഫത്തിനു വേണ്ടി സിന്ധു നദിക്കരയിലുള്ള സിന്ധ്, പഞ്ചാബ് പ്രദേശങ്ങൾ അദ്ദേഹം കീഴടക്കി.

ഉമയ്യത്ത് ഖിലാഫത്ത് മുഹമ്മദ് ബിൻ ഖാസിമിനോട് സിന്ധ്ആക്രമിക്കാൻ ഉത്തരവിട്ടു. അദ്ദേഹം 6,000 സിറിയൻ കുതിരപ്പടയെ നയിച്ചുകൊണ്ട് സിന്ധിലേക്ക് പുറപ്പെട്ടു.സിന്ധിന്റെ അതിർത്തിയിൽ ഒരു മുൻകൂർ ഗാർഡും ആറായിരം ഒട്ടക സവാരിക്കാരും അഞ്ച് കവണകളും (മഞ്ജനിക്കുകൾ) അദ്ദേഹത്തോടൊപ്പം ചേർന്നു. 

മുഹമ്മദ് ബിൻ ഖാസിം ആദ്യം ദെബാൽ പിടിച്ചെടുത്തു.അവിടെ നിന്ന് അറബ് സൈന്യം സിന്ധുനദിയിലൂടെ നീങ്ങി. റോഹ്‌രിയിൽ വെച്ച് ദാഹിറിന്റെ സൈന്യം അദ്ദേഹത്തെ കണ്ടുമുട്ടി. ദാഹിർ യുദ്ധത്തിൽ മരിച്ചു. അവന്റെ സൈന്യം പരാജയപ്പെടുകയും മുഹമ്മദ് ബിൻ കാസിം സിന്ധിന്റെ നിയന്ത്രണം ഏറ്റെടുക്കുകയും ചെയ്തു.

 712-ൽ മുഹമ്മദ് ബിൻ കാസിം ദൈബൂളിൽ പ്രവേശിച്ചു. തന്റെ പ്രയത്നത്തിന്റെ ഫലമായി ദയ്ബുൾ പിടിച്ചെടുക്കുന്നതിൽ അദ്ദേഹം വിജയിച്ചു.

നിരുൺ, കോട്ട (സിക്ക എന്ന് വിളിക്കപ്പെടുന്നു), ബ്രാഹ്മണബാദ്, അലോർ, മുൾട്ടാൻ, ഗുജറാത്ത് എന്നീ പ്രദേശങ്ങൾ കീഴടക്കി അദ്ദേഹം തൻ്റെ ജൈത്രയാത്ര തുടർന്നു. മുൾട്ടാൻ കീഴടക്കിയ ശേഷം, അദ്ദേഹം തന്റെ ആയുധങ്ങൾ കശ്മീരിലെ കിഗ്ഡാം അതിർത്തിയിലേക്ക് കൊണ്ടുപോയി. പക്ഷേ അദ്ദേഹത്തിന്റെ പിരിച്ചുവിടൽ തുടർന്നുള്ള മുന്നേറ്റത്തെ തടഞ്ഞു. അപ്പോഴേക്കും  മുസ്ലീങ്ങൾ മുഴുവൻ സിന്ധിന്റെയും പഞ്ചാബിന്റെ ഒരു ഭാഗത്തിന്റെയും വടക്ക് കശ്മീരിന്റെ അതിർത്തി വരെയുള്ള പ്രദേശങ്ങളുടെ അധിപൻമാരായിത്തീർന്നിരുന്നു.അധിനിവേശത്തിനുശേഷം, മതപരവും സാംസ്കാരികവുമായ ആചാരങ്ങളിൽ തങ്ങൾ ഇടപെടില്ലെന്നും അതിന് പകരമായി നാട്ടുകാർ മുസ്ലീം ഭരണം അംഗീകരിക്കണമെന്ന് ആവശ്യപ്പെട്ട് അദ്ദേഹം അനുരഞ്ജന നയം സ്വീകരിച്ചു.

ശക്തമായ നികുതി സമ്പ്രദായത്തിലൂടെ അദ്ദേഹം സമാധാനവും ശാന്തതയും സ്ഥാപിച്ചു. പകരം നാട്ടുകാരുടെ ജീവനും സ്വത്തിനും സുരക്ഷിതത്വത്തിന്റെ ഗ്യാരണ്ടിയും നൽകി. 714-ൽ ഹജ്ജാജ് അന്തരിച്ചു. വലീദ് ബിൻ അബ്ദുൽ മലിക് മരണപ്പെട്ടപ്പോൾ അദ്ദേഹത്തിന്റെ ഇളയ സഹോദരൻ സുലൈമാൻ ഖലീഫയായി.സുലൈമാൻ മുഹമ്മദ് ബിൻ ഖാസിമിനെ സിന്ധിൻ്റെ ഗവർണ്ണർ പദവിയിൽ നിന്ന് പിരിച്ചുവിടുകയും ചെയ്തു.