ബ്രിട്ടണിൽ ക്രിസ്തുമതം കുറയുന്നു

 ബ്രിട്ടണിൽ ക്രിസ്തുമതം കുറയുന്നു

ഇംഗ്ലണ്ടിലെയും വെയിൽസിലെയും പകുതിയിൽ താഴെ ആളുകൾ മാത്രമാണ്  തങ്ങൾ ക്രിസ്ത്യാനികളാണെന്ന് അറിയപ്പെടാൻ ആഗ്രഹിക്കുന്നതെന്ന് പുതിയ സെൻസസ്.

പുതിയ ജനസംഖ്യാ കണക്കു പ്രകാരം തങ്ങൾ ക്രിസ്ത്യാനികളാണെന്ന് പറയുന്ന ആളുകളുടെ അനുപാതം 46.2% ആയി കുറഞ്ഞു. 2011-ലെ കഴിഞ്ഞ സെൻസസിൽ ഇത് 59.3% ആയിരുന്നു.

നേരെമറിച്ച്, മതമില്ലെന്ന് പറയുന്നവരുടെ എണ്ണം ജനസംഖ്യയുടെ നാലിലൊന്നിൽ നിന്ന് 37.2% ആയി വർദ്ധിക്കുകയും ചെയ്തു.

മുസ്‌ലിംകളായി അറിയപ്പെടാൻ ആഗ്രഹിക്കുന്നവരുടെ എണ്ണം 2011-ലെ 4.9 ശതമാനത്തിൽ നിന്ന്  6.5 ശതമാനമായി ഉയരുകയും ചെയ്തു.

ജനങ്ങളോട് അവരുടെ വംശീയ ഗ്രൂപ്പിനെക്കുറിച്ചും ദേശീയ ഐഡന്റിറ്റിയെക്കുറിച്ചും ചോദിച്ചിരുന്നു.

2001 മുതൽ സെൻസസിൽ ഉൾപ്പെടുത്തിയിട്ടുള്ള സ്വമേധയാ ഉള്ള ചോദ്യത്തിൽ, അവരുടെ വിശ്വാസങ്ങളെക്കുറിച്ചോ മതപരമായ ആചാരങ്ങളെക്കുറിച്ചോ കൂടുതൽ വ്യക്തമായി ചോദിക്കുന്നതിനുപകരം അവരുടെ മതം എന്തെന്ന വിശാലമായ ചോദ്യമാണ് ആളുകളോട് ചോദിച്ചിരുന്നത്.

എന്നാൽ പുതിയ സെൻസസിൽ ആഴത്തിലുള്ള ചോദ്യങ്ങൾ വരെ ഉൾപ്പെടിത്തിയിരുന്നു.

ആളുകളോട് അവരുടെ വംശീയ വിഭാഗത്തെക്കുറിച്ച് ചോദിച്ചപ്പോൾ ഇംഗ്ലണ്ടിലെയും വെയിൽസിലെയും താമസക്കാരിൽ 81.7% വെള്ളക്കാരാണെന്ന് തിരിച്ചറിഞ്ഞു.പഴയ സെൻസസ് പ്രകാരം ഒരു ദശകം മുമ്പ് ഇത് 86.0% ആയിരുന്നു.

മൊത്തം ജനസംഖ്യയുടെ 74.4% ശതമാനം ഇംഗ്ലീഷ്, വെൽഷ്, സ്കോട്ടിഷ്, നോർത്തേൺ ഐറിഷ് അല്ലെങ്കിൽ ബ്രിട്ടീഷുകാരായ വെള്ളക്കാരാണ്.

അടുത്ത ഏറ്റവും വലിയ വംശീയ വിഭാഗം ഏഷ്യൻ, ഏഷ്യൻ ബ്രിട്ടീഷ് അല്ലെങ്കിൽ ഏഷ്യൻ വെൽഷ് എന്നിവരാണ്. മൊത്തം ജനസംഖ്യയുടെ 9.3% ശതമാനം. ഇവരുടെ ജനസംഖ്യ 4.2 ദശലക്ഷത്തിൽ നിന്ന് 5.5 ദശലക്ഷമായി വർധിച്ചു.

ബ്ലാക്ക്, ബ്ലാക്ക് ബ്രിട്ടീഷ്, ബ്ലാക്ക് വെൽഷ്, കരീബിയൻ അല്ലെങ്കിൽ ആഫ്രിക്കൻ എന്നിങ്ങനെ തിരിച്ചറിയുന്ന ആളുകളുടെ എണ്ണം ജനസംഖ്യയുടെ 1.8 % ശതമാനത്തിൽ നിന്ന് 2.5% ആയി ഉയർന്നു.അതായത്  990,000 ൽ നിന്ന് 1.5 ദശലക്ഷമായി ഉയർന്നു.

ഇംഗ്ലണ്ടിലും വെയിൽസിലുടനീളമുള്ള 10 കുടുംബങ്ങളിൽ ഒരാൾ ഇപ്പോൾ രണ്ടോ അതിലധികമോ വ്യത്യസ്ത വംശീയ വിഭാഗങ്ങളിൽ നിന്നുള്ളവരാണ്. ലൂട്ടൺ, ബർമിംഗ്ഹാം, ലെസ്റ്റർ തുടങ്ങി ഇംഗ്ലണ്ടിലെ 14 പ്രദേശങ്ങളിൽ വെള്ളക്കാരെന്ന് തിരിച്ചറിയുന്ന ആളുകൾ ഇപ്പോൾ ന്യൂനപക്ഷമാണ്.

ദേശീയ ഐഡന്റിറ്റിയുടെ കാര്യത്തിൽ, യുകെ അല്ലെന്ന് വിശേഷിപ്പിച്ചവരിൽ ഏറ്റവും കൂടുതൽ വന്ന പ്രതികരണം പോളിഷ് ആയിരുന്നു, അതിനുശേഷം റൊമാനിയനും.

മതത്തിന്റെ കാര്യത്തിൽ, ഇംഗ്ലണ്ടിലെ ഏറ്റവും മതപരമായ വൈവിധ്യമുള്ള പ്രദേശം ലണ്ടനാണ്.ലണ്ടനിലുള്ള 25.3% ആളുകൾ ക്രിസ്തുമതം അല്ലാത്ത മറ്റു മതം തെരഞ്ഞെടുത്തവരാണ്.

തെക്ക്-പടിഞ്ഞാറൻ ഇംഗ്ലണ്ട് ഏറ്റവും കുറഞ്ഞ മതപരമായ വൈവിധ്യമുള്ള പ്രദേശമായി കാണിക്കുന്നു.3.2% പേരാണ് ക്രിസ്ത്യാനികളല്ലാത്ത മറ്റൊരു മതത്തെ തെരഞ്ഞെടുത്തത്.

ഇംഗ്ലണ്ടിൽ മാത്രം, 37.2% ആളുകൾ തങ്ങൾക്ക് മതമില്ലെന്ന് രേഖപ്പെടുത്തിയവരാണ്.വെയിൽസിൽ ഇത്  32.1% ൽ നിന്ന് 46.5% ആയി ഉയർന്നു.

കഴിഞ്ഞ വർഷം മാർച്ച് 21 ന് നടത്തിയ 2021 സെൻസസ് ഇംഗ്ലണ്ടിലും വെയിൽസിലുടനീളമുള്ള 24 ദശലക്ഷത്തിലധികം കുടുംബങ്ങൾ പങ്കെടുത്തു.

സെൻസസിൽ നിന്നുള്ള കൂടുതൽ വിവരങ്ങൾ അടുത്ത രണ്ട് വർഷത്തിനുള്ളിൽ ഘട്ടം ഘട്ടമായി പ്രസിദ്ധീകരിക്കാൻ സജ്ജീകരിച്ചിട്ടുണ്ട്..

സ്കോട്ട്ലൻഡിലെ സെൻസസ് 2021-ൽ നടക്കേണ്ടതായിരുന്നു.എന്നാൽ കോവിഡ് പാൻഡെമിക് കാരണം ഒരു വർഷം വൈകി.

ഓരോ 10 വർഷത്തിലും ഓഫീസ് ഫോർ നാഷണൽ സ്റ്റാറ്റിസ്റ്റിക്സ് (ONS) ആണ് സെൻസസ് നടത്തുന്നത്.