ഇമാം നവവി (റ):ഒരു കുട്ടിക്കാല കഥ

 യാസീൻ ബിൻ യൂസുഫുൽ  മറാക്കിശി പറയുന്നു;

"ശാമിലെ ഒരു ഗ്രാമത്തിൽ പത്ത് വയസ്സ് മാത്രം പ്രായമുള്ള ഒരു ബാലനെ കാണാനിടയായി.

മറ്റു കുട്ടികൾക്ക് അവൻ്റെ കൂടെ കളിക്കുന്നത് തീരെ ഇഷ്ടമല്ലായിരുന്നു. ആ ബാലനാണെങ്കിൽ കരഞ്ഞ്കൊണ്ട് അവരിൽ നിന്ന് ഓടിപ്പോകുന്നു, കണ്ണ്നീർ ഒലിപ്പിച്ച് ഖുർആൻ പാരായണം ചെയ്യുന്നു".

മറാക്കിശി പറയുന്നു;

"എൻ്റെ ഹൃത്തടത്തിൽ അവൻ സ്ഥാനം പിടിച്ചു". അവനെ ഞാൻ പിന്തുടർന്നു. ഉപ്പ അവനെ പീടികയിൽ  സഹായിക്കാൻ വിളിച്ചതായിരുന്നു.

വിൽക്കൽ വാങ്ങൽ സമയത്തും ആ ബാലൻ  വിശുദ്ധ ഖുർആൻ  പാരായണം ചെയ്യുന്നുണ്ടായിരുന്നു.

ഉടനെ മറാക്കിശി പള്ളിയിലേക്ക് പോയി അധ്യാപകനോട് പറയുകയുണ്ടായി;

"പിൽക്കാലത്ത് ഈ ബാലൻ പരിത്യാഗിയായ അല്ലാഹുവിനെ നന്നായി ആരാധിക്കുന്ന വലിയ പണ്ഡിതനായേക്കാം".

കുട്ടി വലുതായി.അവരാണ് കർമ്മശാസ്ത്ര,ഹദീസ്  പണ്ഡിതരുടെ അവലംബമായ ഇമാം നവവി എന്ന പേരിലറിയപ്പെടുന്ന യഹ് യ ബിൻ ശറഫ് (റ ).